திருவிழா ஹங்ஓவர்

கோவில் திருவிழாவைப் பற்றி பதிவெழுத நேரும் என்று கனவிலும் நினைத்ததில்லை.திருவிழாவிற்கு் மைனர் மாப்பிள்ளை மாதிரி கச்சேரி கேட்கப் போனதோடு சரி ஒரு துரும்பைக் கூட கிள்ளிப்போடவில்லை.
சரி ஒரு நாலு வரியாவது ஏழுதலாம் என்றுதான் ........

*தன்னார்வலர்களுடைய பணி மிகச்சிறப்பாக இருந்து,பார்க்கிங் / சமையல் / அலங்காரம் / ஆலயத் தூய்மை /ஒலி - ஒளி அமைப்பு என அனைத்து வேலைகளும் தத்தம் பாட்டில் நடந்தது யாரும் யாரையும் ஏவிக்கொண்டிருக்கவில்லை.
நன்றி. நீங்கள் நினைத்த காரியம் ஏழு நாட்களுக்குள் நல்லபடி நடக்கும் :-)

*ஒழுங்கமைவு கடைசி இரண்டு நாட்கள் சில சிறிய சிக்கல்களை விடுத்து கச்சிதமாக இருந்தது.மேலோட்டமாகப் பார்த்தால் இது ஒரு பெரிய விசயமாகத்
தெரியாவிட்டாலும் இது இல்லாது போயிருந்தால் பல காரியங்கள் சிக்கலாய் ஆகியிருக்கும்.

*மைக் மோகன் போல தேவையற்ற பேச்சுக்களோ / அறிவிப்புகளோ குறைவு.

*கச்சேரி அருமை ..குறிப்பாக நெரிசல் குறைந்த நாட்களில், தினமும் சிறிது நேரம்தான் என்றாலும் ரம்மியமாக இருந்தது.[என்னளவில் இது தான் திருவிழா
ஹைலைட்]
"சிங்கார வேலனே"
"பழம் நீ அப்பா"
"மருதமலை மாமணியே"
ஆகியன் படித்தமான வாசிப்புகள்.
[கலைஞர்களின் பெயர்களில் சில சந்தேகம் சரிபார்த்துக்கொண்டு பிறகு சேர்த்துவிடுகிறேன்]

*செல் ஏந்தும் காளையரும் சேல் விழிப் பாவையரும் "கண் பேசும் வார்த்தைகள்" நல்ல சுவாரசியம்.பலரும் தமிழில் பேச முயல்வதாய்த் தெரியவில்லை.

*வரிசையில் நிற்பதென்றால் இன்னும் கூட சில அங்கிள்களுக்கும் / ஆன்ரிகளுக்கும் வேம்பாய்க் கசக்கிறது, இடையில் நுழைந்து காரியம் சாதித்து விட்ட திருப்தி என்னதான் மறைத்தாலும் முகத்தில் தெரிந்துவிடுகிறது.

*சைவ மன்றத்தினர் முன்நின்று நடத்திய [or is it நடாத்திய ] விழாவானாலும் அவர்கள் ஒரே ஒரு ஒலித்தட்டு மட்டுமே விற்பனைக்கு வைத்திருந்தனர் [அதிலும் பல சினிமா பாடல்களின் நெடி] ..இன்னும் பல் ஆன்மீகம் / கலை சம்பந்தமான புத்தகங்களை / பொருட்களை வைத்திருக்கலாம்.

*பட்டுப் புடவைகள் பிரமாதம், சரிகைப் பட்டு வேட்டிகளும் கூட இனி அதுகள்
தத்தம் பெட்டிகளிலோ அலமாரிகளிலேயோ ஹைபர்னேட் (தமிழ் ?) செய்யப் போய்விடும் .அடுத்த பண்டிகை வரை.

*படிமுறை [Hierarchy] இருந்தாலும் குழு அரசியல் / power play இருப்பது போல வெளித்தெரியவில்லை ..பாராட்ட வேண்டிய விசயமிது.

*புலம்பெயர்ந்த தமிழர்களின் ,குறிப்பாக ஈழத்தவரின் மிகப் பெரிய சமூக சந்திப்பாக இந்தத் திருவிழா அமைந்துள்ளது,எல்லோருக்கும் யாரையாவது தெரிந்திருக்கிறது.அந்த விதத்தில் இது ஒரு முக்கிய நிகழ்வு.

இசை,இசைவு,
மனம்,மனிதம்,
கடமை,கடவுள் என்று பல தளங்களில் ஒத்திசைகிறது .
--------
பவுர்ணமி நிலவொளியில் காற்றடிக்க
வாழ்க்கைப் புத்தகத்தின்
இன்னுமொரு வசீகரமான
பக்கம்
தானே திறந்து மூடிக்கொண்டது.
---------

update :
கலைஞர்களின் பெயர்கள்
நாதஸ்வரம்
------------------
கலைமாமணி ஸ்வரஞான ரத்தினம் S.S.சிதம்பரநாதன்
நாதஸ்வர இன்னிசை வேந்தன் M.P நாகேந்திரன்

தவில்
------------------
தவில்ஞான குபேரபூபதி T.உதயசங்கர்
லயஞான விபஹார வித்வமணி N.R.S சுதாகரன்.

[இந்த அடைமொழி / பட்டங்களை எப்படித் தேர்வு செய்வார்கள் என்று தெரிந்து கொள்ளவேண்டுமென்ற அவா நெடுநாளாய் உண்டு .....உட்கார்ந்து யோசிப்பார்களோ]

இவர்களுடைய தனிக் கச்சேரி ஒன்று 8/4/07 அன்று மாலை ஜந்து மணி அளவில் கோவிலின் பின் உள்ள பண்பாட்டு அரங்கில் நடக்க உள்ளது .